Ganwyd Thomas Williams ym Mhenmachno ym 1886 ac roedd yn gweithio fel teilwr ym Mae Colwyn pan ddechreuodd y Rhyfel Mawr. Fe ymunodd â'r Liverpool Scottish Regiment ar 21 Tachwedd 1915 ac fe hwyliodd i Ffrainc ar 9 Ebrill 1916. Danfonwyd y cerdyn post hwn at ei chwaer, Kate, ar 29 Gorffennaf 1916, o bentref Bellacourt, ger Arras. Mae'r nodyn yn darllen 'Just a card for your collection, going on alright. Letter to follow shortly. Put Y Co on the letters please. Yours Tom Wms'. Yn ddiweddarach fe gafodd Tom ei glwyfo a'i ddal gan yr Almaenwyr. Dychwelodd i Gymru, lle bu farw ym 1945.