Cyn y rhyfel roedd Thomas Griffiths o Fangor (a anwyd ym 1881) yn gweithio fel saer maen. Fe gytunodd i wasanaethu yn y fyddin ym mis Tachwedd 1915, er na chafodd ei alw i wasanaethu tan 13 Tachwedd 1916. Gwasanaethodd gyda'r 250th Railway Company Royal Engineers, gan dreulio amser yn Ffrainc. Cafodd ei ryddhau o'r fyddin ar 2 Mai 1919, ac ar ôl y rhyfel fe weithiodd ar y rheilffyrdd yng Ngogledd Cymru. Bu farw ym 1947. Yn y ffotograff hwn gwelir Tom yn ei iwnifform filwrol, ac mae llun o'i wraig, Margaret, a'u baban Harold (a anwyd ym 1916) wedi'i ychwanegu yn y gornel.