Cyn y rhyfel bu John Jones a Dei Robert Jones yn gweithio fel creigwyr mewn chwarel ym Mlaenau Ffestiniog, ac yn gyfarwydd â gweithio dan ddaear. Yn ystod y Rhyfel Mawr fe ymunodd y ddau â'r Royal Engineers, gan wasanaethu fel sappers ar ffrynt y gorllewin. Cafodd John Jones ei anafu gan fom ar 1 Gorffennaf 1916. Cafodd ei ryddhau o'r fyddin ym mis Gorffennaf 1917 am nad oedd yn gymwys bellach ar gyfer gwasanaeth yn y fyddin: roedd wedi treulio blwyddyn a hanner yn y fyddin a saith mis fel milwr wrth gefn. Oherwydd ei anaf, bu'n gloff weddill ei oes. Fe brynodd geffyl a chart a gweithiodd yn dosbarthu glo o gwmpas tai Blaenau Ffestiniog.