Carden wedi'i brodio, "To my dear Mother" a "Souvenir de France", a ddanfonwyd gan Gordon Davies o'r Royal Engineers, wedi ei llofnodi "Gordon, Mary and Jennie". Ymysg y baneri a welir ar flaen y garden mae'r tricolour Ffrengig, baner gwlad Belg a Baner Serennog America. Mae'n debyg bod hwn yn dyddio o 1918.
Roedd Gordon Davies yn saer a labrwr cyn y rhyfel; erbyn diwedd y rhyfel roedd yn gorporal yn y Royal Engineers. Ganwyd ef 21 Mawrth 1888 yn Pisgah House, Llanfihangel Brynpabuan, Sir Frycheiniog (mab i William Davies, llafuriwr, ac Ann Davies, gynt Price). Ar 27 Tachwedd 1918, yn 30 oed, fe briododd Gordon â Mary Walters (27 oed, di-briod) yng nghapel Salem, Cynwyl Gaeo, Sir Gaerfyrddin.