Ganwyd Benjamin James (a adwaenid gan ei deulu fel Benny) yng Nghas-gwent. Ymunodd ag Ail Fataliwn y Royal Welch Fusiliers yn Nhonypandy; fe drosglwyddodd i'r Royal Engineers i wasanaethu fel cloddiwr twneli, gan fod profiad o weithio dan ddaear ganddo (ac efallai hefyd oherwydd ei fod yn cael tâl ychwanegol o 6 ceiniog y dydd). Danfonodd Benny y cerdyn post hwn wedi'i frodio â'r neges 'Might is Right' at ei chwaer Frances ('Fran'). Lladdwyd Benny ar Ffrynt y Gorllewin ar 19 Ebrill 1916: ni ddaethpwyd o hyd i'w weddillion. Fe'i coffâwyd ar gofeb yn Loos ac ar Gofeb Ryfel Cas-gwent.