Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.
Disgrifiad
Yr eitem hon yw Continuous Certificate of Discharge (Tystysgrif Rhyddhad Barhaus) John Freeman. Mae’r llyfryn yn cofnodi ei swyddi ar longau, gan ddechrau ar 28 Mehefin 1918 ar y BARON POLWORTH a gorffen ar 19 Ebrill 1951 gyda’i wasanaeth olaf ar yr agerlong ASHGATE. Byddai bron pob un o’i fordeithiau yn mynd ag ef i borthladdoedd tramor a nodir yn gyson yn ei eirda bod ei allu a’i ymddygiad cyffredinol yn ‘VERY GOOD’.
Ganwyd John Freeman yn Port Royal/Kingstown, Jamaica, ym 1899. Mae’r llyfryn hwn hefyd yn cynnwys Tystysgrif Rhyddhad o ddyddiad cynharach. Mae’r dystysgrif hon yn dangos iddo ymgymryd â’i swydd gyntaf ar 9 Rhagfyr 1916, fel Ail Stiward ar fwrdd y LUCERNA a oedd yn eiddo i gwmni o Lerpwl ac a hwyliai o Lundain ar y pryd. Dyma dystiolaeth bod John Freeman yn gwasanaethu yn y Llynges Fasnachol yn ystod y Rhyfel Byd Cyntaf.
Ar 6 Mawrth 1937, ychwanegodd Heddlu Caerdydd mewn inc coch 'Nationality and Identity [...] British Subject'. Yn ei ddatganiad mae’r heddwas yn cyfeirio at rif Tystysgrif Dinasyddiaeth a Hunaniaeth John Freeman a roddwyd iddo ar 18 Ionawr 1937 yn Kingstown, Jamaica.
Mae ffotograff ar dudalen olaf y llyfryn o John Freeman yn dal plât sy’n dangos ei rif adnabod yn y Llynges Fasnachol.
Beryl Makkers (Freeman cyn priodi), merch John Freeman, a ddaeth â’r ddogfen hon i sylw Prosiect Llongau-U 1914-18 ac a roddodd ganiatâd i ni ei sganio
Oes gennych chi wybodaeth ychwanegol am yr eitem hon? Gadewch sylwad isod
Sylwadau (0)
Rhaid mewngofnodi i bostio sylw