Chwaraeodd W. J. Trew i Glwb Rygbi Abertawe ac i Gymru. Chwaraeodd i Gymru am y tro cyntaf ym 1900. Ei enw llawn oedd William James Trew. Cafodd ei eni tua 1878 yn Abertawe a bu farw 20 Awst 1926. Ei safle oedd canolwr. Chwaraeodd W J "Billy" Trew i Abertawe rhwng 1897 a 1913 a bu'n gapten 6 gwaith (5 yn olynol) sy'n record clwb sy'n cael ei rannu gyda W J Bancroft. Roedd ei gapteiniaeth yn cynnwys y fuddugoliaeth dros Awstralia ym 1908 a'r fuddugoliaeth dros Dde Affrig ym 1912. Roedd yn sgorio llawer o geisiau ac yn cael ei weld yn "athrylith rygbi". Roedd yn ddylanwadol iawn yn 2 Gamp Lawn gyntaf Cymru (1908 a 1909), enillodd 29 cap i Gymru o 1900 tan 1913 (14 fel capten) gan gynnwys 4 Coron Driphlyg a 3 Camp Lawn. Roedd Cymru gyfan yn galaru pan fu farw. (Archif y Clwb)