Roedd y brodyr James (Evan ar y chwith a David ar y dde) yn bâr o gefnwyr enwog a gafodd eu galw ‘the Swansea gems’ neu ‘the curly-headed marmosets’. Fe wnaethant chwarae i Abertawe gyntaf yn 1889 a chynrychioli Cymru ar 5 (Evan) a 4 (David) achlysur. Mae'n debyg y chwaraeodd y brodyr gêm i Rangers Brychdwn ym mis Ebrill 1892 a chael cynnig gwaith am £2 yr wythnos ym Manceinion. Penderfynodd yr Undeb Rygbi eu bod yn chwaraewyr proffesiynol oherwydd hyn. Wedi apêl gan Undeb Cymru ac Abertawe ar 31 Ionawr 1896, cawsant chwarae eto nes iddynt fynd yn broffesiynol eto ar 28 Ionawr 1899 pan aethant i Rangers Brychdwn (£225, £2 y gêm a thafarn). Aethant ag 16 aelod o'r teulu gyda nhw.