Project hynod ddiddorol ynghylch Plasty’r Fan gan ddisgyblion blwyddyn 3 yn Ysgol Gynradd Cwrt Rawlin yw ‘The Legacy of Van Mansion’. Plasty Tuduraidd yw Plasty’r Fan, a gellir ei weld o faes parcio’r ysgol. Bu plant blwyddyn 3 yn ymchwilio i hanes y plasty, y Tuduriaid a’r cysylltiad â Chastell Caerffili. Bu’r disgyblion hefyd yn helpu i greu tudalen wych ar wefan yr ysgol ar gyfer y project, yn ogystal â thaflen wybodaeth er mwyn i’r gymuned gael dysgu am y pwnc. Enillodd y project hwn Wobr Menter Ysgolion y Dreftadaeth Gymreig 2017.

Gwefan y project: http://www.cwrtrawlinprimary.co.uk/year3h-heritage-project

Linc i’r daflen wybodaeth: https://www.peoplescollection.wales/items/573749

Mae'r Fenter Ysgolion Y Dreftadaeth Gymreig yn cynnal cystadleuaeth flynyddol ar gyfer projectau treftadaeth yn ysgolion Cymru. Y nod yw annog pobl ifanc mewn ysgolion yng Nghymru i ymddiddori mwy yn eu treftadaeth ac yng nghyfraniad eu teuluoedd a'u cymunedau i'r dreftadaeth honno. http://www.whsi.org.uk/cymraeg.html

Sylwadau Menter Ysgolion y Dreftadaeth Gymreig ar y project:

Roedd hwn yn brosiect diddorol iawn a gipiodd ddychymyg y plant. Gan symud oddi wrth astudiaeth amlwg o hanes Castell Caerffili, penderfynodd disgyblion Bl3 ganolbwyntio ar dirnod lleol arall, sef Plasty’r Fan, sy’n llai adnabyddus, ond yn wir, fod gan ei wreiddiau, fel y darganfuwyd, gysylltiad â’r castell.

Aeth eu hastudiaethau â hwy i gyfeiriadau amrywiol a fu’n gyfrwng nid yn unig i ehangu eu gwybodaeth am y plasty ond hefyd am fywyd yn Oes y Tuduriaid. Mae’r dosbarth wedi adeiladu gwefan a fydd yn addysgu’r gymuned leol am blasty sy’n adnabyddus i bawb sy’n byw yn yr ardal.

http://www.whsi.org.uk/Resources/MYDG_2017.pdf

Rhoddwyd sylw i’r project mewn datganiad i’r wasg gan Gyngor Bwrdeistref Sirol Caerffili:

http://www.caerphilly.gov.uk/News/News-Bulletin/April-2017/Cwrt-Rawlin-Primary-investigates-The-Legacy-of-Van