Yn y llythyr hwn o Buenos Aires, dywed Lewis Jones ei fod wedi prynu llong (y 'Nueva Gerónima') at wasanaeth y Wladfa. Mae'r llong yn ddigon mawr i gario anifeiliaid neu ar gyfer hela morfilod, ac fe ellid ei defnyddio i gario calchfaen neu cherrig palmant. Mae'n gobeithio y bydd y cynhaeaf yn llwyddiannus gan y bydd hynny'n rhoi 'bywyd newydd i'r Mudiad. Mae agos y cwbl yn dibynnu ar hyn, ac yr wyf mewn mawr bryder yn ei gylch'. Bu'n rhaid i Hugh Jones, gŵr oedrannus o Gerrigydrudion, ddychwelyd at ei deulu i'r Unol Daleithiau, wedi iddo fynd yn sâl. Ym marn Lewis Jones, roedd Hugh Jones, a oedd yn 69 oed, yn rhy hen i gychwyn bywyd newydd yn y Wladfa. Hefyd, gofynna i Michael D. Jones anfon milgi a rhywfaint o blanhigion iddo. Dywed fod dirfawr angen crydd a melin wynt yn y Wladfa.