Roedd Capten David Richards, peiriannydd mwyngloddio o Harlech, Sir Feirionnydd, wedi teithio i Dde America ar wahoddiad cwmni o wladfawyr (Edwin C. Roberts yn eu plith) a oedd wedi darganfod aur wrth odre'r Andes. Yn y llythyr hwn, mae Richards yn hysbysu'r Parch. Michael D. Jones ei fod wedi cyrraedd Buenos Aires ar 12 Ebrill, ac mae'n rhoi gwybodaeth fanwl ynghylch 'cyffro'r aur' ym Mhatagonia ar ddechrau'r 1890au. Mae'n pwysleisio'r angen i ffurfio cwmni Cymreig i weithio'r meysydd aur. Mae hefyd yn ysgrifennu'n helaeth ynghylch pwnc y tir ym Mhatagonia.