Mae Michael D. Jones yn hysbysu R. J. Berwyn ei fod wedi derbyn y 'quillango', blanced wedi ei gwneud o grwyn anifeiliaid, a gyflwynwyd iddo yn anrheg gan Gyngor y Wladfa. Mae'n adrodd hanes ei helyntion ariannol ac yn cwyno am arafwch y Cyngor i dalu'n ôl rhywfaint o'r arian a wariodd ar y fintai gyntaf a hwyliodd i Batagonia ym 1865. Ofna mai Hugh Hughes (Cadvan neu Cadfan Gwynedd), Llywydd y Wladfa, sydd wrth wraidd hyn.