Dywed William S. Jones, golygydd 'Baner America' yn Scranton, fod dyledion Michael D. Jones gyda'r papur newydd wedi eu talu. Mae'n falch o glywed am lwyddiant y Wladfa Gymreig. Mae'r mudiad yn mwynhau cryn lwyddiant yn America, diolch i ymdrechion 'Baner America', a dywed fod 'Cwmni y Wladfa yn fwy dyledus i ni nag i ddim arall am gefnogaeth Cymry y Wlad hon i'r mudiad'. Fodd bynnag, ar ddiwedd y llythyr dywed fod 'y Faner yn cael gwaith byw' ac y bydd y papur yn dod i ddiwedd ei oes yn fuan.