Llythyr ysgrifennwyd at Thomas Benbow Phillips gan D S Davies o swyddfa'r “Canal Steam Transportation Company, 39 Pearl Street”, Efrog Newydd, dyddiedig 21 Ionawr 1874.

Hysbysodd D S Davies Thomas Benbow Phillips y byddai parti o 50 person yn hwylio o Efrog Newydd am Batagonia ar 7 Chwefror ar y sgwner “Electric Spark”. Roedd yr ymfudwyr yma wedi prynu'r sgwner ac wedi sicrhau gwasanaeth Capten newydd oedd yn bwriadu setlo yn y Waldfa gyda'i deulu. Roedd y Capten wedi addo troi mewn i Rio Grande i weld Thomas Benbow Phillips petai'r gwyntoedd yn ffafriol. Roedd D S Davies wedi gobeithio cyfarfod gyda Thomas Benbow Phillips yn y Wladfa i gychwyn trefniadau ar gyfer y Bahia Nueva. Roedd un aelod o'r parti wedi prynu Peiriant Dyrnu am $600, yn ogystal ag offer defnyddiol. Byddai parti o 50-100 o Gymry yn hwylio ar 13 Ebrill.