Llythyr ysgrifennwyd at Thomas Benbow Phillips gan Stuart Barnes yn Calle Reconquista 72, Buenos Ayres, dyddiedig 24 Mawrth 1873

Rhoddodd Stuart Barnes bŵer atwrnai i Thomas Benbow Phillips i weithredu ar ei ran ynglŷn â'r holl nwyddau o'i eiddo ar fwrdd y llong. Roedd Stuart Barnes hefyd wedi gorchymyn Capten y llong i roi ei newyddau, arian a masnach oedd ar y llong i ofal diogel Thomas Benbow Phillips. Roedd y crwyn a'r ffwr oedd wedi eu defnyddio fel tâl gan rai teithwyr hefyd i'w cynnwys yn y nwyddau o fewn remit Thomas Benbow Phillips. Byddai'n rhaid i'r Captern roi cyfrif am holl nwyddau ac eiddo Stuart Barnes, ac os na allai wneud hynny, roedd angen iddo roi cyfrif am yr hyn a wnaeth gyda nhw. Os na fyddai'r Capten yn ufuddhau i orchymynion Thomas Benbow Phillips, roedd i'w gloi mewn heyrn, ac roedd hefyd wedi ysgrifennu at y Capten i ddweud wrtho beth fyddai ei dynged. Dywedodd Stuart Barnes ei fod yn dibynnu ar Thomas Benbow Phillips i weithredu ei ddymuniadau ac unioni pob cam.