Llythyr ysgrifennwyd at Thomas Benbow Phillips gan Michael D Jones o'r Bala, Gogledd Cymru, ym Merthyr Tudful dyddiedig 11 Hydref 1872

Eglura Michael D Jones ei fod ym Merthyr i draddodi darlithoedd i hyrwyddo ymfudo i Batagonia. Derbyniodd lythyr gan y Parch D S Davies, 12 Bank Street, Efrog Newydd yn ei hysbysu fod y “Rush” a Capten Evans wedi ei anfon yn ôl o geg y Chupat i Buenos Aires gyda 30 o Gymry o UDA ar ei bwrdd. Roedd y mast wedi torri, y brif hwyl wedi chwythu ymaith a'r angorau ar goll. Dim ond un cwch bach o Monte Video oedd yn masnachu gyda'r Wladfa. Awgrymodd Michael D Jones gan fod y “Rush” bellach yn dda i ddim, y dylai TBP ystyried anfon cwch yno i werthu bwydydd, te, mati, coffi, siwgr, llestri pridd ac efallai blawd. Gallai ddychwelyd gyda menyn o safon uchel, caws, quillangoes, crwyn a ffwr. Nid oedd melin yno i falu'r gwenith yn foddhaol. Roedd rhwng 400 a 500 o wartheg yn y Wladfa. Eglurodd Michael D J ones fod angen dybryd am siop, a chrefodd ar Thomas Benbow Phillips i beidio â dod â diod feddwol i'r Wladfa, oherwydd roedd yn cael ei werthu i'r Indiaid. Cadarnhaodd fod masnachu gyda'r Indiaid wedi golygu elw o £1,000. Eglurodd fod Cymry UDA yn dangos diddordeb mawr yn nyffryn y Chupat. 150 oedd y boblogaeth bresennol, ond petai'r “Rush” wedi glanio, byddai'r rhifau wedi codi i 183. Addawodd anfon papurau iddo a fyddai'n cynnwys mwy o wybodaeth.