Llythyr gan Timothy Walker, 74 Water Street, Manceinion at Thomas Benbow Phillips, ysgrifennwyd 10 Mehefin 1851

Roedd Timothy Walker yn falch fod pawb wedi cyrraedd yn ddiogel i Brasil, ac yn falch o glywed am sefydlu'r Wladfa i Genedl y Cymry, gyda chefnogaeth Llywodraeth Brasil. Dengys Ewrop gydymdeimlad â Brasil fel canlyniad i lymder y Fasnach Caethweision a bellach mae ganddynt wybodaeth am yr adnoddau gwych oedd ar gael ym Mrasil. Dymuna anfon cofion drwy law rhieni Thomas Benbow Phillips, oedd wedi gadael bywyd cysurus a ffrindiau yng Nghymru ar ddiwedd oes i sefydlu cartref newydd ym Mrasil. Dealla fod llawer o deuluoedd yng Nghymru yn trefnu eu materion ariannol fel y gallent hwy hefyd ddechrau bywyd newydd ym Mrasil. Byddai unrhyw wybodaeth, mapiau ayb am y Wladfa y gallai Thomas Benbow Phillips eu hanfon yn dderbyniol.