Chwaraeodd y wasg ran bwysig yn nhwf cyflym Mormoniaeth yng Nghymru o 1845 hyd 1848. Fodd bynnag, er bod yr amrywiol gyfnodolion crefyddol ar y pryd yn hael o ran rhoi gofod yn eu colofnau ar gyfer erthyglau gwrth-Formonaidd, roedden nhw'n gwrthod rhoi gofod i ymatebion i'r erthyglau hyn i'r cenhadwr a'r arweinydd Mormonaidd, Dan Jones. Yr unig ddatrysiad rhesymegol, ym marn Dan Jones, oedd i'r Mormoniaid sefydlu eu cyfnodolyn Cymraeg eu hunain: Udgorn Seion.