Ychydig yng Nghymru heddiw sy'n gwybod hanes Martha Hughes Cannon ond yn America, ac yn enwedig yn Ninas y Llyn Halen yn Utah, ei chartref mabwysiedig, y mae hi'n adnabyddus iawn. Yn y detholiad hwn allan o Welsh Saints on the Mormon Trail, Y Lolfa, 2019 (ceir yr hanes yn Gymraeg yn y gyfrol Poeri i Lygad yr Eliffant, Y Lolfa 2016), ceisir olrhain ei chyfraniad i'r brwydrau i wella safonnau iechyd cyhoeddus Utah ac i ennill y bleidlais i fenywod y dalaith, ymgyrchoedd arweiniodd yn y diwedd i'w hetholiad fel seneddwraig gyntaf yr Unol Daleithiau.