Eisteddfod Genedlaethol 1961, Rhosllannerchrugog

Disgrifiad

30 negatif : du a gwyn. Eisteddfod Genedlaethol 1961, Rhosllannerchrugog.
Bardd y Goron.
Llun 1: Jennie Eirian Davies mewn llawn hwyl fel llywydd y Brifwyl ddydd Mercher.
Llun 2: Siomwyd y cystadleuwyr a'r dorf yn y Fedal Ryddiaith eleni - ond y mae golwg hapus ryfeddol ar wynebau'r beirniaid (ac nid am iddynt atal y wobr ychwaith). Nid yw Islwyn Ffowc Ellis (chwith) wedi llawn ymollwng i chwerthin yn braf - ond y mae Dr Kate Roberts a John Gwilym Jones.
Llun 3: Un o uchel fannau huodledd yr wyl oedd y ceisiadau a wnaed gan yr Wyddgrug, Maldwyn a Llandudno am Brifwyl 1963. Ac uchafbwynt y cyfan oedd araith y Parch G T Roberts, ficer Aberconwy, a bardd coronog, dros Landudno. Gwelir y ficer yn ei wisg offeriadol ar dde y darlun - ac yn Llandudno y bydd y Brifwyl ar ôl Llanelli.
Llun 4: Cais gan ddirprwyaeth Llandudno am gynnal yr Eisteddfod yn 1963.
Llun 5 - 7: Dirprwyaeth Maldwyn yng nghyfarfod Llys yr Eisteddfod.
Llun 8: Mrs Ceinwen Evans Hughes Cadfan o Buenos Aires.
Llun 9: Seremoni amddifad iawn o ddagrau oedd seremoni croesawu'r Cymry ar Wasgar yn y Rhos. Cyn y seremoni honno y bu'r dagrau eleni. Ac roedd rheswm da gan Hugh Ellis, naw oed o Whittington, Sir Amwythig, dros roi dŵr ar y felin. Roedd Hugh ar wasgar - ac ar goll. Nid oedd afal mawr coch a gafodd gan rywun ar y maes yn ddigon i gadw'r dagrau draw, ac yn sicr nid oedd esgyn i'r llwyfan mawr agored i ddweud ei enw wrth Mr T W Jones, yr arweinydd, yn llawer o help. Gwnaed cyhoeddiad . . .
Llun 10: Ac o fewn dim - dacw nain yn dwad.
Llun 11 - 12: Theresia Hahn, 13 oed, ffoadur a fabwysiadwyd gan Ysgol Sul Eglwys Heol y Crwys, Caerdydd. Talasant iddi ddod draw i Gymru am dri mis o wyliau.
Llun 13: Dyma'r sanhedrin a'r Llys Barn - y dwys ystyrwyr myfyrgar yn gwrando'n astud iawn ar y ceisiadau'n cael eu gwneud am Brifwyl 1963 cyn penderfynu mai i Landudno yr ai. O'r chwith: Syr Thomas Parry-Williams, Cynan, Ernest Roberts (yn lle Dr Haydn Williams gan fod yr Wyddgrug yn gwneud cais), Ernest Roberts a T W Thomas.
Llun 14: Teifryn Rees o Fynachlog Ddu, enillydd Gwobr Goffa Osborne Roberts i gantorion ieuainc dan 25 oed. Hwn oedd ei bedwerydd ymddangosiad ar lwyfan y brifwyl, a'r tro cyntaf iddo ennill. Cipiodd y wobr flaenaf bedair gwaith yn Ngwyl yr Urdd a bu droeon ar y blaen yn Eisteddfod is-genedlaethol Aberteifi. "Enillais y gamp y tro hwn" meddai "drwy benderfyniad a chyfran fechan o lwc." Ychwanegodd yn swil: "Ni chredwn fod gennyf y llais i gystadleuaeth o safon genedlaethol."
Llun 15: Yr hynaf o unawdwyr a gystadleuai yn y Rhos oedd Mr Hugh E Roberts (Tenorydd yr Eifl), Llithfaen. Mae'n 77 oed a bu'n canu'n ddifwlch am bum mlynedd a thrigain. Enillodd dros 750 o wobrau.
Llun 16: Wilfred Davies o Lanyre a Tom Thomas o Lanwrthwl, y buddugwyr ar y ddeuawd i denor a baritôn yn y Brifwyl.
Llun 17: Dilys Wynne Williams yn derbyn cwpan MacMahon o law Meic Parry wedi buddugoliaeth Côr Ieuenctid Gwynedd ddydd Llun. Yr oedd hefyd £25 o wobr.
Llun 18: Cwmni drama Cymry Llundain. Yn y cylch y cefn gwelir Ieuan Davies (o Lundain), David Richards (Llundain), John Huw Evans (Borth, Ceredigion), W E Griffiths (Abersoch), Howard Goodfellow (Tymbl), Rhydderch Jones (Aberllefenni), Iwan Thomas (Alltwen) a Bryn Richards (Llundain). Yn y blaendir y mae Margaret Lewis (Llangadfan), Mari Vaughan Jones (Llundain) a Ryan Davies (Llanfyllin).
Llun 19: Aelodau o Gwmni Drama Cymry Llundain: Margaret Lewis (Llangadfan), Mari Vaughan Jones (Llundain), Ryan Davies (Llanfyllin) a Rhydderch Jones.
Llun 20: Aelodau o Gwmni Drama Cymry Llundain: Rhydderch Jones, Margaret Lewis, Mari Vaughan Jones a Ryan Davies.
Llun 21: O'r chwith, Sylvia Jones a Mrs Delyth Llwyd Jones, o'r Wladfa; Susanna Humphreys ac Ethel Morgan o'r Andes.
Llun 22 - 27: Y Cymry ar Wasgar
Llun 28: Y dyrfa ar faes yr Eisteddfod
Llun 29 - 30: Bardd y Goron.

• http://hdl.handle.net/10107/1478793 (link opens in new window)