Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.
Disgrifiad
Dyddiad: 20 Ebrill 1915
Trawsysgrif:
ABERDYFI.
Y DIWEDDAR MR W. OSBORNE HUGHES O’R AGERLONG “FALABA.”—Drwg gennym hysbysu fod Mr W. Osborne Hughes, Conwy, ymhlith y rhai a gollwyd trwy suddiad yr agerlong Falaba gan Submarine y gelyn ar draethau Penfro. Yr oedd yr ymadawedig yn fab i’r diweddar Henadur Hugh Hughes, Conwy, a Mrs Hughes, Aberdyfi, ac yn frawd i Mrs E. L. Rowlands, Aberdyfi. Gedy briod a thri o blant i alaru ar ei ol. Nid oedd ond 30 mlwydd oed. Gwasanaethai Mr Hughes fel Ysgrifenydd i’r Purser ar fwrdd y llong a suddwyd dan amgylchiadau mor greulon ac anynol. Cydymdeimlir yn fawr a’r teulu sydd mewn galar dwfn ar ei ol. Ar derfyn yr oedfa nos Sabboth diwedd af arwyddodd cynulleidfa ein Heglwys yn Aberdyfi ei chydymdeimlad dwysaf a’r teulu yn eu trallod. Er’s rhai blynyddau bellach ymgartrefa Mrs Hughes, y fam, yn y lle hwn, ac yn ol ei harfer parha yn ffyddlon a gweithgar dros yr achos mawr. Mawr yw ei galar ar ol ei hunig fab. Diddaned yr Arglwydd y fam a’r chwiorydd, y priod a’r plant bach, yn eu galar a’u colled. Ymddiriedent yn noethineb a chariad yr Hwn sy’n teyrnasu.
“Ni ddirnad synwyr cnawdol dyn
Ddirgelion troion Duw
Efe ei Hun eglura’n llawn
Ei holl fwriadau gwiw.”
P.
Ffynhonnell:
'Aberdyfi.' Gwyliedydd Newydd. 20 Ebr. 1915. 7.
Oes gennych chi wybodaeth ychwanegol am yr eitem hon? Gadewch sylwad isod
Sylwadau (0)
Rhaid mewngofnodi i bostio sylw