Dyddiad: 27 Ebrill 1917

Trawsysgrif:

BRYNCRUG.

Danghosir cydymdeimlad cyffredinol drwy'r wlad a Mr. a Mrs William Roberts, Ysgol y Cynghor, Bryncrug, ar gyrhaeddiad y newydd fod Nurse Roberts, eu hail ferch, wedi colli ei bywyd drwy suddiad yr hospital ship "Salta." Bu Miss Roberts yn gweini ar gleifion milwrol yn yr Aifft am ddwy flynedd, a dychwelyd yr oedd at ei gwaith wedi bod am ychydig seibiant pan suddwyd y llong gan y gelin. Merch ieuanc siriol a rhinweddol ydoedd, yn ennill serch ac ymddiried pawb y byddai yn gweini arnynt.

Ffynhonnell:
'Bryncrug.' Y Dydd. 27 Ebr. 1917. 3.