William Gray & Co Yard Book Entry for the CHELFORD

Disgrifiad

Cafodd manylion technegol y llong eu cofnodi mewn llyfr arbennig gan yr adeiladydd llongau, William Gray & Co. o Hartlepool. Mae’r cofnod hefyd yn nodi’r dyddiad y cafodd perchnogaeth y llong ei throsglwyddo i Francis Yeoman o West Hartlepool ar 24 Ionawr 1906.

Daeth William Gray i mewn i’r diwydiant adeiladu llongau ym 1863 mewn partneriaeth â Joseph Denton. Tyfodd y cwmni ac erbyn i’r Rhyfel Mawr dorri allan roedd yn cyflogi 3,000 o ddynion a oedd yn gweithio ar un llithrfa ar ddeg. Roedd hefyd yn berchen ar y Central Marine Engine Works. Parhaodd i gynhyrchu llongau drwy gydol y rhyfel, gan gwblhau 30 o leiners cargo ac agerlongau tramp, 13 o longau i’r Morlys, a 30 o longau cargo ‘safonol’ i Reolydd Llongau’r llywodraeth.

Adeiladwyd y CHELFORD gan William Gray & Co, West Hartlepool, ym 1906, i Francis Yeoman & Co. o West Hartlepool. Bu farw Francis Yeoman ym 1914 ac ar y pryd, ei fab, Harry Yeoman, oedd rheolwr berchennog y CHELFORD yn 133 Exchange Buildings, Caerdydd. Roedd y CHELFORD mewn balast, h.y. nid oedd yn cludo cargo, ac ar ei ffordd o Glasgow i Barry Roads ar 14 Ebrill 1918 pan gafodd ei suddo gan dorpido wedi’i danio gan yr UB 73 yn Sianel San Siôr. Llwyddodd y criw cyfan i ddianc cyn i’r llong suddo.

Ffynhonnell:
MAS260418. William Gray & Co Yard Book. The Museum of Hartlepool, Hartlepool Borough Council.