Roedd y cloc mecanyddol hwn yn ganolbwynt trawiadol yng Ngŵyl Erddi Cymru ym 1992. Ar yr awr, bob awr, byddai'n trawsnewid yn gyfan gwbl. Byddai'n chwythu stêm a gyda thaclau yn cloncian byddai dwy benglog yn ymddangos drwy'r gorddrysau, ac yna y diafol. Wedi iddo ef gilio byddai'r cloc i gyd yn codi a symud cyn dechrau cwympo'n araf hyd nes bod ei du fewn i'w weld, yno roedd dau ddyn ar gefn beic yn ymddangos fel pe baent yn pedalu i gadw'r peirianwaith i fynd. Gyda'r perfformiad wedi'i gwblhau byddai'r bwa yn dychwelyd i'w siâp gwreiddiol.

Ar ddiwedd Gŵyl Erddi Cymru symudwyd y cloc i Sgwâr John Frost yng Nghasnewydd lle mae'n parhau i ddenu cynulleidfaoedd bychain ar yr awr.