Plât a phowlen patrwm ceiliog a beintiwyd â llaw gan Sarah Jane Roberts (1859-1935), yn ôl y sôn. Roedd Sarah yn ferch i Thomas Roberts ac fe'i gelwid yn 'Anti Sal'. Mae'r ceiliogod bob amser yn edrych i gyfeiriad y chwith ac yn sefyll ar ddarn o dir siâp deigryn. Fodd bynnag, mae'r addurniadau sbwng ar yr ymylon yn amrywio cryn dipyn; roedd ieir bach yr haf, blodau a dail yn addurniadau poblogaidd iawn ar yr ymylon. Ymddengys bod hwn yn gynllun gwreiddiol.