Ffotograffau yn Ne Cymru, gan C. S. Allen, tua'r flwyddyn 1880 [clawr]

Disgrifiad

Adnabyddir y ffotograffydd arloesol Charles Smith Allen (1831-97), fel y gorau o blith ffotograffwyr cynnar Dinbych-y-pysgod.
Fe'i ganed yn Rugeley, Swydd Stafford, ym 1831, ac mae ychydig o negatifau papur sydd wedi goroesi yn dangos ei fod wedi dechrau cofnodi Dinbych-y-pysgod mewn arian tua diwedd y 1840au.
Fe sefydlodd ei fusnes yn Ninbych-y-pysgod gan brynu hen Ystafelloedd y Cynulliad lle aeth ati i godi ei stiwdio, 'Excelsior Studios'. Roedd gan y stiwdio ystafell dywyll yn llawn cyfleusterau ynghyd â system gymhleth o gaeadau a bleindiau a oedd yn rheoli'r lefel o olau dydd a oedd yn y stiwdio. Yn aml, byddai'n tynnu'r ffotograffau ar leoliad, gan iddo adeiladu ystafell dywyll symudol a oedd yn cael ei thynnu gan geffyl. Hefyd roedd ganddo siop a stiwdio o'r enw 'The Mortimer Studio', yn Nhŷ Tredegar, y Stryd Fawr, a oedd yn ymdrin â deunydd ysgrifennu, ynghyd â stiwdio ar Stryd y Priordy, Aberteifi.
Tynnodd Allen ffotograffau ledled Cymru ac mae'r albwm hwn yn un o blith nifer a gynhyrchodd ar gyfer cwsmeriaid unigol - yn yr achos hwn ar gyfer teulu 'Belfield'.
Bu farw C. S. Allen yn Ninbych-y-pysgod ym 1897.
[Yn seiliedig ar ddisgrifiad a ddarparwyd gan Amgueddfa ac Oriel Gelf Dinbych-y-pysgod]