Peintiwyd tusw o flodau ar y plât ymyl-tonnog hwn yn arddull llun o'r 'Botanical Magazine'. Mae'r enw 'Italian Pimpernel' wedi ei ysgrifennu mewn inc du ar y cefn. Yn wreiddiol, credid bod y llestri 'botanegol' hyn wedi cael eu peintio gan William Weston Young ond bellach credir mai Thomas Pardoe oedd yr arlunydd. Roedd Thomas Pardoe yn gweithio fel arlunydd gyda chwmni porslen Abertawe.