Priododd Baner-ringyll George Chambers, o Gatrawd Rhif 24 y Traedfilwyr, Margaret Lewis yn Aberhonddu ar 17 Ebrill 1875 - cyflwynwyd cwpan 'Coalport' iddynt ar yr achlysur hapus. Roedd Chambers wedi dychwelyd i Gymru o Gibraltar y mis Ionawr blaenorol i gymryd cyfrifoldeb am gwmni recriwtio'r Gatrawd. Yn dilyn ei gyfnod gyda'r Rhif 24 yn Aberhonddu, cyflwynwyd ail gwpan 'Coalport' yn anrheg i George a Margaret gan y milwyr. Ymrestrodd George gyda'r Rhif 24 yn Corc ym 1864 pan oedd yn ddeunaw oed a hanner a bu'n gwasanaethu yn Iwerddon, Malta a Gibraltar. Roedd gyda'r 1/24ain Milwyr Traed fel aelod o luoedd Arglwydd Chelmsford a fu'n ymladd yn Isandhlwana ar 22 Ionawr 1879 pan drechwyd chwe chwmni o'r Gatrawd Rhif 24 gan 25,000 o ryfelwyr Zwlw. Mae'r cwpanau hyn yn gofebau teimladwy i'r milwr dewr hwn.