arrowbookcheckclosecommentfacebookfavourite-origfavouritegooglehomeibapdfsearchsharespotlighttwitterwelsh-government
  • Use stars to collect & save items A vector image of star to represent action to save this item  mewngofnodi i gadw'r eitem hon

Disgrifiad

Llythyr ysgrifennwyd at ei fam, Mrs Phillips, yng ngofal Snr Celestino San Juan ym Mhelotas gan Thomas Benbow Phillips yn Rio Grande, dyddiedig 30 Tachwedd 1874

Diolchodd Thomas Benbow Phillips i'w fam am ei llythyr, ymddiheurodd am beidio ag ateb ynghynt, ac eglurodd ei fod wedi bod yn brysur yn gwneud gwelliannau i'r siop. Credai fod busnes wedi gwella ar ôl iddo wneud ei newidiadau. Roedd Llewelyn ac Arthur yn y ffabriga. Roedd Llewelyn yn cael ei dalu am y gwaith a gyflawnai ac yn ennill tua naw milreis yr wythnos. Aethai Tommy i'r ffatri, ac nid oedd Thomas Benbow Phillips yn siŵr os oedd yn hapus yno ai peidio oherwydd roedd dipyn o wahaniaeth llafurio yno o'i gymharu â gweithio yn y siop. Roedd Thomas Benbow Phillips yn gorfod bod yn y siop o fore gwyn tan nos, a bwyta yno, gan nad oedd yn gallu ymddiried yn yr hogyn a weithiai yno. Roedd Januaria a'r plant yn iach ac yn anfon eu cofion. Nid oedd iechyd Mr McCloud wedi bod yn dda, ond anfonai ef a'i wraig eu cofion cynhesaf. Nid oedd ganddo unrhyw newyddion arall, roedd yn holi'n gyson amdani ac yn falch o ddeall na chafodd ei chodwm effaith hir-dymor. Roedd Mrs McCloud yn debygol o ysgrifennu ati'r wythnos ganlynol.

Sylwadau (0)

Rhaid mewngofnodi i bostio sylw