Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.
Disgrifiad
Llythyr ysgrifennwyd at Joseph Gibson, Ysw, Dundee gan Thomas Benbow Phillips yn Rio Grande, dyddiedig 18 Tachwedd, 1873, a chopi wedi ei anfon gyda'r “Calderon”
Eglura Thomas Benbow Phillips fod ffafr Joseph Gibson dyddiedig 27 Medi wedi dod i law ar 7 Tachwedd. Cyrhaeddodd Capten Dunn ar 31 Hydref. Ni chyrhaeddodd telegram Joseph Gibson Rio Grande o gwbl, o bosibl oherwydd iddo gael ei anfon i Cadiz yn lle Lisbon. Ar gais Capten Dunn, cynhaliwyd Llys Morwrol i drafod ymddygiad Meistr y “Beautiful Star” oedd yn gwrthod rhoi'r gorau i'w reolaeth o'r llong, a disgwylid dyfarniad yn fuan. Eglurodd Thomas Benbow Phillips fod y llong mewn cyflwr gwael, ac nad oedd dim y gellid ei wneud iddi. Bwriadai fynd ar ei bwrdd i edrych drosti'n fanwl, ond oherwydd diffyg arian, roedd yn amau a allai'r Capten Dunn godi unrhyw arian yno i'w thrwsio. Addawodd Thomas Benbow Phillips adrodd yn ôl i Joseph Gibson yn rheolaidd.
Oes gennych chi wybodaeth ychwanegol am yr eitem hon? Gadewch sylwad isod
Sylwadau (0)
Rhaid mewngofnodi i bostio sylw