Llythyr ysgrifennwyd at Thomas Benbow Phillips ym Mhelotas gan Sinclair Robinson ar ran Sinclair Horrocks & Cyf, yn Rio Grande, dyddiedig 18 Ebrill 1868.

Dywed Sinclair Robinson fod copi o lythyr a dderbyniwyd gan Edward Roper, ewythr y Roper ifanc, wedi ei amgáu, a gofyn i Thomas Benbow Phillips ddangos y cynnwys i George Roper ac i Mrs Blackhall. Awgryma y dylid talu sylw i'r gweinyddu perthnasol ar ran y bachgen er mwyn iddo dderbyn yr etifeddiaeth oedd yn ddyledus iddo. Cyfeiria hefyd y dylid cyflwyno llythyrau gweinyddu Roper o flaen y Conswl yn Rio Grande.