Llythyr i “Nain ac Ewythr” gan James Pickering a llythyr i “Ewythr” gan Thomas Pickering, y ddau wedi eu dyddio 8 Chwefror, 1865.

Dywedodd James fod y bechgyn wedi cael llythyr derbyniol ac ymddiheurodd fod eu llythyr diwethaf yn gwta oherwydd diffyg amser i'w ysgrifennu. Roedd dad wedi colli'r llythyr, felly roeddent yn ansicr o'r cwestiynau a ofynnwyd ac yn methu rhoi'r atebion cywir. Roedd dad wedi bod i Wednesbury ar fusnes ac wedi aros gyda Modryb Eleanor, oedd wedi estyn gwahoddiad i un ohonynt dreulio'r Nadolig gyda hi. Cydymdeimla James gyda nain ar ôl y tro a gafodd, ac roedd yn falch o glywed ei bod yn well erbyn hyn. Dywedodd fod Mr Caddell wedi priodi yr wythnos flaenorol, a byddai hynny'n peri syndod i nain hefyd. Gofynnodd i nain drefnu ymweliad i gynnwys Mr a Mrs Rowbotham, ac i adael iddynt wybod am y trefniadau cynted â phosibl. Roedd yn gobeithio fod ei ewythr wedi gwella o'r clwyf a gafodd, ac y byddai'n ysgrifennu'n fuan. (Gan James Pickeering, ŵyr a nai)

Dywedodd Thomas y byddai'n rhaid ysgrifennu'r llythyr ar frys er mwyn dal y post, felly efallai y byddai newyddion pwysig yn cael ei hepgor. Roeddynt yn falch bod ewythr yn gwella'n dda ar ôl y ddamwain. Ar ôl bod ym Mrasil am amser hir, a oedd Thomas Benbow Phillips yn ystyried ei hun yn fwy o frodor o Frasil nag o Sais, ac os felly, roedd eu mam yn dymuno iddo anfon y plant adref i Brydain i'w harbed rhag cael eu drafftio mewn i Fyddin Brasil. Ymddiheura fod y llythyr mor fyr, er fod ganddo fwy i'w ddweud, nid oedd amser yn caniatáu. Ôl Nodyn: Roedd yn crefu ar Thomas Benbow Phillips i ystyried dychwelyd gartref gyda'i wraig a'i blant ac agor siop fach ble byddent yn fwy cyfforddus, a nain yn fwy diogel. Dywedodd Thomas y byddai'n disgwyl derbyn llythyr yn fuan gyda newyddion am iechyd pawb. (Gan Thomas Pickering, nai)