Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.

Disgrifiad

Llythyr ysgrifennwyd gan John Benbow o Smith Hermanos, Montevideo.wedi ei gyfeirio ar T B Phillips Ysw, Carruthers Souza & Co, Rio Grande do Sul, Brasil, dyddiedig 28 Awst 1853

Gan fod ochr dde'r llythyr wedi rhwygo, mae nifer o'r geiriau ar yr ochr honno ar goll.

Esbonia John Benbow ei fod am adael Brazil i chwilio ei ffortiwn rhywle arall. Pan gyrhaeddodd Brazil, roedd yn brin o arian, ond llwyddodd i gael gwesty i aros ynddo a gwaith fel gwerthwr. Symudodd Prif Werthwr y cwmni i le o'r enw Entra Reios ac nid oedd John Benbow yn rhagweld y byddai'n dychwelyd. Roedd busnes yn dawel iawn ac reodd gan y staff lawer o amser rhydd ar eu dwylo. Dywed na all ymweld â'i ewythr cyn gadael, oherwydd diffyg amser, ond gobeithia fod ei law yn well ac roedd ganddo eisiau gwybod a glywsant o Loegr. A oedd yn bwriadu aros lle'r oedd neu symud i'r De? Holai hynt Mr Pickering a'i deulu ac os oedd wedi plannu cotwm a buasai wedi hoffi ysgrifennu ato, ond nid oedd amser yn caniatáu. Disgwyliai John Benbow lythyr yn fuan gan Thomas Benbow Phillips ac roedd yn anfon ei gariad. Dywedodd John Benbow wrtho fod gwasanaeth post dros y tir ddwywaith y mis o Montevideo i Rio Grande.

Oes gennych chi wybodaeth ychwanegol am yr eitem hon? Gadewch sylwad isod

Sylwadau (0)

Rhaid mewngofnodi i bostio sylw