Dywed J F Froes ei fod wedi synnu nad oedd wedi derbyn unrhyw ohebiaeth oddi wrth Thomas Benbow Phillips yn ei hysbysu am y cynnydd yn y symudiadau, ond ei fod ef ei hun wedi bod yn gweithio'n galed iawn i hyrwyddo ymfudo'r Cymry i Rio Grande. Er fod llawer wedi ei wneud i hyrwyddo ymfuo, roedd rhai oedd yn gweithio yn eu herbyn. Buasai J F Froes yn gwerthfawrogi petai'r rhai oedd eisoed wedi cyrraedd yn ddiogel yn cyfleu'r neges fod pob dim yn dderbyniol, ac yn anfon adroddiadau cyson i Gymru i gadarnhau hyn, er mwyn sicrhau fod mwy o Gymry'n gwneud yr ymdrech i ymfudo. Roedd rhai o Loegr ac Iwerddon wedi ymfudo i Dpedro?, ac roedd un yn arbennig wedi anfon adroddiad gwahanol adre i'r rhai a anfonwyd gan Thomas Benbow Phillips i J F Froes. Anfonodd Mr Morgan adroddiad derbyniol i J F Froes am ymddygiad Thomas Benbow Phillips, a chredai efallai bod yr argraff gyntaf a gafodd y Sais wedi bod yn rhagfarnllyd yn ei erbyn, ond sylweddola efallai mai camgymeriad oedd hyn. Dywed J F Froes wrth Thomas Benbow Phillips ei fod yntau wedi derbyn ei siâr o gam-drin gan rai Cymry, yn enwedig un o'r enw Williams o Pelotes. Hefyd roedd Eleasar Jones yn ymddangos ei fod yn perswadio pobl i ymfudo i Efrog Newydd er mwy iddo ef gael y comisiwn wrth drefnu'r teithiau. Hybysa Thomas Benbow Phillips fod cwmni newydd wedi ei sefydlu a fyddai'n cychwyn teithiau stêm i Brasil ddwywaith y mis yn ystod y flwyddyn ddilynol.