Mae'n diolch i Thomas Benbow Phillips am ei ateb buan, ond yn nodi mai goneddu Duw ddylai fod yn brif amcan iddo, ac y dylai gwasanaethu'r genedl fod yn fodd i ymgyrraedd at hynny. Ond oherwydd problemau ariannol, ni fyddai Evan Evans yn gallu talu hyd yn oed hanner pris ei fordaith, oherwydd bu'n rhaid iddo dalu ei ddyledion gyda'i holl eiddo, ac ni fyddai modd ganddo i'w gynnal ei hun na'i deulu ym Mrasil. Oni byddai pris y fordaith llawn yn cael ei dalu dros Evan Evans a'i deulu o wyth, ni fyddent yn gallu teithio. Roedd dau deulu o gymdogion a rhai unigolion eraill yn bwriadu mynd ar y daith ar y ddealltwriaeth mai dim ónd hanner pris y fordaith y byddent yn gorfod ei dalu. Awgryma y byddai'n well i nifer fach, gan gynnwys ef ei hun, fynd drosodd i sefydlu'r Wladfa mewn lleoliad addas, cyn i weddill y grwp ymuno â nhw. Honna fod ganddo ffydd mawr yn Thomas Benbow Phillips, gyda chymorth Duw, i ddewis y lleoliad gorau ynglŷn â hinsawdd, diogelwch, mynediad at fasnach ac i roi enwau Cymraeg i'r lleoedd. Gofyn am gadarnhad sut y gallai wneud cais am fordaith am ddim, a ddylid newid arian yn Lerpwl neu gario sterling i Rio Grande a phwy ddylai arwyddo y tyst cymeriad ar gyfer Llywodraeth Brazil. Gofynna Evan Evans am gyfeiriad y Parch Owen Jones, er mwyn iddo gysylltu efo fo'n uniongyrchol ar ôl i Thomas Benbow Phillips hwylio o Lerpwl.