Mae rhai o wrthrychau Llyn Cerrig Bach wedi eu haddurno gyda thrisgell. Mae’n fotiff sy'n cynnwys troell driphlyg, gymesur. Mae rhai yn credu fod y tair rhan yn cynrychioli daear, awyr a dŵr. Mae’r patrwm ar y cilgant o Lyn Cerrig Bach wedi ei guro yn gelfydd iawn o’r cefn. Ceir trisgellau hefyd ar wyneb y bwlyn efydd. Mae’n anodd gwybod i ba ddiben y byddai’r bwlyn wedi ei ddefnyddio – o bosib i addurno cerbyd rhyfel, tarian neu offeryn cerddorol. Ystyrir fod llif swynol y celfyddyd gain sydd ar y gwrthrychau hyn yn cynrychioli arwyddocâd crefyddol i bobl Oes yr Haearn.

Cafodd y patrwm trisgell ei forthwylio’n gelfydd o’r cefn. Dyma un o’r enghreifftiau pwysicaf o gelf Geltaidd o Brydain.