arrowbookcheckclosecommentfacebookfavourite-origfavouritegooglehomeibapdfsearchsharespotlighttwitterwelsh-government
  • Use stars to collect & save items A vector image of star to represent action to save this item  mewngofnodi i gadw'r eitem hon

Disgrifiad

Mae Cors Caron yn gors mawn sy'n cwmpasu ardal o tua 6km o'r de-orllewin wrth 2km i'r gogledd-ddwyrain, gydag afon Teifi yn rhedeg drwyddi. Dros y canrifoedd, mae'r gors wedi rhoi mawn i'r trigolion lleol ar gyfer tanwydd, brwyn ar gyfer sarn anifeiliaid a thir pori ar gyfer da byw. Torrwyd mawn o ymylon y gors i ddyfnder o hyd at 2m cyn i lefelau dŵr godi a'i gwneud hi'n anodd parhau i wneud hyn. Er bod torri mawn wedi dod i ben erbyn 1960, mae pori a thorri brwyn yn parhau, er ei fod yn cael ei reoli'n llym. Ar ddiwedd y bedwaredd ganrif ar bymtheg, rhoddwyd ystyriaeth i ddefnyddio mawn yn fasnachol er mwyn cynhyrchu olewau, naptha, amonia, paraffin, tannin, nwy a chynhyrchion eraill; yn ogystal, ar ddechrau'r ugeinfed ganrif, cafodd mawn ei gynaeafu'n fecanyddol ar gyfer sarn anifeiliaid ond byrhoedlog oedd y cynllun. Yn 1948, darganfuwyd fod clai o ansawdd uchel ar wely'r llyn ac y gellid ei ddefnyddio ar gyfer chynhyrcu briciau, sment a phaent, ond nid aed ati i'w gloddio. Heddiw mae'r gors yn cael ei rheoli fel gwarchodfa natur.

Sylwadau (0)

Rhaid mewngofnodi i bostio sylw