Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.
Disgrifiad
Cofnod yr ysbyty milwrol pan oedd yn dioddef o falaria.
Roedd James (Jim) Owen yn Filwr Cyffredin yng Nghatrawd 23 Cymru.
Dyma Siân Phipps yn sôn am brofiad ei thaid o ryfel:
“Ar ôl gweithio fel glöwr am dair wythnos, ymrestrodd fy nhaid (er ei fod dan oed) er mwyn osgoi mynd yn ôl I lawr i’r pwll glo. Cafodd ei anfon I Aldershot i’w hyfforddi, ac oddi yno aeth i’r Aifft, Gallipoli a Salonika. Bu bron iddo farw o falaria ym 1916 a bu’n dioddef pyliau o falaria am weddill ei oes.
“O Salonika, cafodd taid ei anfon yn syth i Ffrainc. Cafodd ei saethu yn ei goes, yn Ypres rydyn ni’n medddwl. Yn ôl hanes teuluol, yn hytrach na rhedeg gyda neges drwy’r ffosydd, yn ei ffordd nodweddiadol, neidiodd dros y brig. Aeth ei ffrind Pickins, o Dreherbert hefyd, allan i’w achub a’i gludo i ddiogelwch.
Cafodd taid ei anfon i ysbyty Star and Garter yn Richmond, Llundain i wella. Roedd mor hoff o’r nyrsys yno fel ei fod wedi enwi ei ferch hynaf ar ôl un ohonyn nhw.”
Oes gennych chi wybodaeth ychwanegol am yr eitem hon? Gadewch sylwad isod
Sylwadau (0)
Rhaid mewngofnodi i bostio sylw