Bicer, dechrau’r Oes Efydd

Gwinllan Naboth, Llanhari, Rhondda Cynon Taf

2250-1950 CC

Ym mis Medi 1929, roedd gweithwyr yn adeiladu ffordd newydd pan ddaethant ar draws bedd carreg. Yn y bedd roedd esgyrn dyn oedd rhwng 26 a 35 oed pan fu farw, ac wrth ei ymyl roedd y galarwyr wedi gosod y bicer hardd hwn. Mae patrymau cywrain yn y clai, wedi’u creu gyda chrib mân. Mae’n debyg ei fod wedi cael ei greu’n arbennig ar gyfer ei gladdu.

Yn ôl y gweithwyr, roedd ‘llysnafedd’ y tu mewn i’r bicer – gweddillion diod i ffarwelio efallai – ac fe wnaethant ei lanhau’n ofalus. Heddiw, gallai gweddillion o’r fath gael eu dadansoddi er mwyn gweld beth oedd yn y bicer yn wreiddiol.

NMW ac. no. 29.430/1