Awyrluniau o graffiti protest gan BACH (Builth Against Closing Hospitals) ar ochr bryn ger Llanfair-ym-Muallt. Tynnwyd y lluniau ar 8 Awst 2007.

Yn 2007 fe dorrodd ymgyrchwyr enw eu grŵp gweithredu yn y borfa ar ochr bryn gan greu arwydd yn ymestyn dros 200m mewn llythrennau 100m o uchder a 40m o led er mwyn hysbysu ymwelwyr â’r Sioe Frenhinol o’u hymgyrch i wrthwynebu cynlluniau Bwrdd Iechyd Lleol Powys i dorri’r gwasanaethau yn ysbytai Llanfair-ym-Muallt, Trefyclo, Bronllys a Llanidloes.