Grove Place, 52, Stryd y Dyffryn, sef hen orsaf yr heddlu a thŷ tref trillawr a godwyd o frics tua diwedd y ddeunawfed ganrif. Mae iddo fynedfa a grisiau canolog ac adain wasanaethu yn y cefn. Mae iddo ffasâd deniadol o dair ffenestr, rhai 'Fenis' ar y llawr gwaelod, rhai tridarn ar y llawr cyntaf a rhai 'Diocletaidd' ar yr ail lawr. Yn y tu blaen ar y dde, mae bae cul cilfachog ac anarferol sydd â ffenestri cul â dau gwarel ar bob llawr. Mae plinth a chonglfeini o dywodfaen ar y ffasâd o frics.
Mae'r manylion mewnol yn cynnwys drysau chwe-phanel, colfachau 'H' a phendrawstiau clustennog ar y drysau. Mae grisiau siafft yn goroesi uwchlaw'r llawr gwaelod ac mae iddynt ganllawiau dyrchafol, pyst sgwâr a balwstrau tenau. Mae iddynt hefyd groesfuriau o frics sy'n cynnal to o dulathau, fel yn Mostyn House. Mae'r adain wasanaethu yn y cefn wedi cadw tystiolaeth o'i defnyddio'n gelloedd carchar rhwng dechrau a chanol yr ugeinfed ganrif.
Ref:DI2005_0575