Daliwyd y marchfilwr Ben Griffiths o Gatrawd Frenhinol Cymru, o Donyrefail, yn ystod y Rhyfel Byd Cyntaf ac aethpwyd ag ef i wersyll carcharorion rhyfel yn Gefengenenlager Kleinwittenberg. Ar 3 Mehefin 1917, ysgrifennodd Ben o’r gwersyll carcharorion rhyfel, at ei frawd yn 57, Stryd Pritchard, Tonyrefail gan ddweud "Dear David, just to let you know that I am a Prisoner of War and should like a parcel if you be so kind as to send me one. I daresay you know the method of doing so. I believe it is through the Red Cross. I am alright so far, treatment good, stand a better chance of coming home from here than from the battle Field. I have written home. I hope this war will soon be over. Kindly write as soon as possible an anxious to hear from you. Trusting that you are alright." Roedd Ben hefyd yn anfon cardiau at ei deulu yn dweud ei fod wedi derbyn eu llythyron a’u parseli o gartref. Ar 18 Rhagfyr 1918, ysgrifennodd adref yn dweud nad oedd yn garcharor mwyach a’i fod yn Sweden ar ei ffordd adref.