Anfonwyd y llythyr hwn, dyddiedig 5 Awst 1944, o ogledd Ffrainc lle'r oedd Kenny yn gwasanaethu gyda 6ed Bataliwn y Ffiwsilwyr Brenhinol Cymreig fel aelod o'r Fyddin Ryddhau Brydeinig. Yn y llythyr, esbonia ei fod wedi bod yn teithio cryn dipyn yn ystod yr wythnosau diwethaf ac nad yw wedi cael llawer o gyfle i ysgrifennu. Er i'r bataliwn gael ei daro gan rai o ymosodiadau awyr cyson yr Almaenwyr, yr unig Almaenwyr y mae Kenny wedi eu gweld yw'r aelodau 'tramor' rheini o'r fyddin Almaenig a ildiodd o'u gwirfodd ac sydd bellach yn garcharorion rhyfel. Disgrifia'r amodau cysgu cyfyng lle'r mae'r dynion yn cael eu poeni drwy'r adeg gan bryfaid, gwenyn meirch a mosgitos, a sonia am y prinder dŵr yfed. Dywed ei fod wedi cyfarfod nifer o fechgyn sy'n hannu o ardal Wrecsam. Disgrifia'r holl ddifrod a llanast sydd o'i gwmpas yn Ffrainc a rhai o'r eitemau y mae wedi dod o hyd iddynt tra'n archwilio tai a fomiwyd.