Ganwyd Benjamin James (a adwaenid gan ei deulu fel Benny) yng Nghas-gwent. Ymunodd ag Ail Fataliwn y Royal Welch Fusiliers yn Nhonypandy; fe drosglwyddodd i'r Royal Engineers i wasanaethu fel cloddiwr twneli, gan fod profiad o weithio dan ddaear ganddo (ac efallai hefyd oherwydd ei fod yn cael tâl ychwanegol o 6 ceiniog y dydd). Ysgrifennwyd y llythyr hwn gan Benny ar 27 Hydref 1915 (pan oedd o hyd gyda'r RWF) at ei chwaer Frances ('Fran') a'i theulu. Yn y llythyr mae Benny'n rhoi diolch i Fran am y parsel ac yn gofyn a fyddai modd iddyn nhw ddanfon cot wlân i'w helpu i gadw'n gynnes yn y ffosydd. Lladdwyd Benny ar Ffrynt y Gorllewin ar 19 Ebrill 1916: ni ddaethpwyd o hyd i'w weddillion. Fe'i coffâwyd ar gofeb yn Loos ac ar Gofeb Ryfel Cas-gwent.