Fe wasanaethodd Thomas Hugh Davies gyda'r 17eg Bataliwn, Ffiwsilwyr Brenhinol Cymreig (Royal Welch Fusiliers). Cafodd ei ladd ar Gefn Pilckem ar 27 Gorffennaf 1917, gan adael gweddw ac wyth o blant. Claddwyd ef ym mynwent Dragoon Camp, ger Ypres. Mae'n debyg bod ei fab hynaf, Hugh Davies, wedi ceisio ymuno â'r fyddin ddwywaith tra'n rhy ifanc, a chael ei ddanfon nôl adref. Fodd bynnag, yn y pendraw fe gafodd ymuno â'r fyddin, ond ni ddanfonwyd ef dramor i ymladd.