Ymunodd Private Thomas Williams (ganwyd yng Nglandŵr, Abertawe ar 16 Medi, 1894) gyda'r South Wales Borderers ym Mehefin 1915. Bu ei gariad, Edith May Jacquet (ganwyd yn Abertawe ar 12 Mawrth 1898) yn gweithio am ddwy flynedd a hanner yn ffatri arfau rhyfel Pembre, i'r gorllewin o Lanelli. Rhoddwyd y llyfr llofnodion yma yn anrheg Nadolig iddyn nhw yn 1917. Ysgrifennwyd rhai o'r caniadau gan gydweithwyr Edith yn y ffatri arfau rhyfel a rhai gan gymdeithion Thomas pan oedd yn gwella mewn ysbyty ym Manceinion yn 1918 (ar ôl cael ei anafu yn Ffrainc) - gan ddynodi fod Edith wedi teithio i ymweld ag e ym Manceinion.