Ym 1738 sefydlwyd ysgol gylchredol yn ardal Bedlinog ac ym 1847 mae Adroddiad Comisiynwyr Ysgolion yn disgrifio Ysgol Craig y Fargoed, a sefydlwyd ym 1836 yn y capel lleol gan y Parchedig Thomas Rees.

Agorwyd Ysgol Craig Bedlinog ym 1887 a'r ysgol a welir yn y ffotograff hwn yw ysgol y merched a agorwyd ym 1912 ac a ddaeth yn Ysgol Uwchradd Fodern Bedlinog ym 1949. Trosglwyddwyd y disgyblion i Ysgol Afon Taf ym 1974 a daeth yr adeiladau'n gartref i ysgol gynradd.

Ffynhonnell:
Llyfrgell Gyhoeddus Merthyr Tudful (1992) "Valley Lives, book 1: schools and scholars of the Merthyr Tydfil valley.