arrowbookcheckclosecommentfacebookfavourite-origfavouritegooglehomeibapdfsearchsharespotlighttwitterwelsh-government

Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Darllenwch fwy am y Drwydded Archif Greadigol.

Disgrifiad

Roedd sylwadau Paul Robeson ar sosialaeth, hiliaeth a chomiwnyddiaeth wedi dod ag ef i sylw Pwyllgor UDA ar Weithgareddau Anamericanaidd. Ymddangosodd o flaen pwyllgorau sawl gwaith, ac yn 1948 gwrthododd roi ateb i'r cwestiwn a oedd yn aelod o'r Blaid Gomiwnyddol ai peidio.

"Dydw i ddim yn cael fy rhoi ar brawf am a ydw i'n Gomiwnydd, rwy ar brawf am frwydro dros hawliau fy mhobl, sydd o hyd yn ddinasyddion eilradd yn Unol Daleithiau America... Rydych chi am gau ceg pob Negro sydd â'r dewrder i sefyll a brwydro dros hawliau ei bobl... Am fod fy nhad yn gaethwas ac am fod fy mhobl wedi marw i adeiladu'r wlad hon. Rwy'n mynd i aros yma a bod yn rhan ohoni fel chithau. Ac ni fydd unrhyw bobl o fryd ffasgaidd yn fy ngyrru ohoni. Ydy hynny'n glir?"
Cafodd pasbort Robeson ei dynnu oddi wrtho.

Cafodd ymgyrch Gadewch i Paul Robeson Ganu ei sefydlu yn 1954 er mwyn rhoi'n ôl ei hawliau sifil i deithio'r byd i siarad ac i ganu.

Yn 1950 dyfarnwyd i Robeson Y Wobr Heddwch Ryngwladol yn Warsaw, ynghyd â Pablo Picasso ac enillodd Wobr Heddwch Ryngwladol Stalin yn 1952.

Yn 1951 arweiniodd ddirprwyaeth i'r Cenhedloedd Unedig i gyflwyno deiseb Cyngres Hawliau Sifil. Y cyhuddiad oedd bod 15 miliwn o bobl ddu America'n cael eu gorfodi i fyw mewn amgylchiadau a oedd yn achosi marwolaeth gynnar, tlodi a haint.
Cafodd ei basbort ei ddychwelyd yn y pen draw ym mis Gorffennaf 1958.

Sylwadau (0)

Rhaid mewngofnodi i bostio sylw