Mae'r hyfforddwr Bocsio o Gymru Gemma Price yn rhedeg Rhaglen 'Girls' Empowerment'. Fel hyfforddwraig a mentor bocsio, mae Gemma yn rhoi pwyslais ar ddatblygu hunan-barch, hyder a chreu lle diogel i bobl fynegi eu hunain yn agored trwy focsio. Ar ôl 40 munud o hyfforddiant bocsio, mae'r merched sy'n cymryd rhan yn y dosbarthiadau hyn yn dod i'r cylch i rannu eu profiadau o'r wythnos, i siarad am unrhyw heriau sy'n eu hwynebu, ac i glywed gan fenywod ysbrydoledig sy'n gweithio ym myd chwaraeon a ffitrwydd yng Nghymru.