Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.

Disgrifiad

Treuliodd criw ‘HMS Tara’ 4 mis yn Bir Hakkim, lle buont yn dioddef amodau caled heb fawr o obaith o gael eu hachub. Fodd bynnag, roedd y Chwarterfeistr Richard Williams yn parhau'n obeithiol y byddai'n dychwelyd i Gaergybi rhyw ddydd. Tra mewn caethiwed, cerfiodd y tlws hwn ar gyfer ei ferch ifanc Mary Elizabeth, a elwir hefyd yn Cissie.
 
Gyda thywyswyr lleol a llythyr cudd Capten Gwatkin-Williams, gadawodd Dug San Steffan Sollum yn oriau mân y bore ar 17 Mawrth 1916. Arweiniodd y confoi o geir arfog, tryciau, ac ambiwlansys ar draws 120 milltir o anialwch, a dod o hyd i'r carcharorion ar fin newyn a diffyg hylif.
 
Derbyniodd y goroeswyr driniaeth feddygol yn Alexandria, yr Aifft, ac yn ddiweddarach aethant i dderbyniad yng Ngwesty'r Euston, Llundain i ddathlu eu bod yn dod adref yn ddiogel. Yna dychwelodd llawer o'r dynion i Fôn, lle o'r diwedd llwyddodd Richard Williams i ddosbarthu'r tlws gerfiedig i Cissie.
 

Oes gennych chi wybodaeth ychwanegol am yr eitem hon? Gadewch sylwad isod

Sylwadau (0)

Rhaid mewngofnodi i bostio sylw